I Conventus Interretialis Latinitatis Vivae Hispalensis
“Lumen Litterarum”

Summarium

Summarium

Inauguratio

In honorem Michaelis von Albrecht

Orationes

Moderator:
Raúl Navarro España

Doctoris dignitatem meriturus et cooperator honorarius Universitatis Studiorum Hispalensis

A secretis:
Ana Pérez Vega

Doctrix et profestrix Latinarum litterarum in Universitate Studiorum Hispalensi

Curator technicus:
Fernando Paredes Murillo

Laudem impetraturus magistralem

Inauguratio

Idibus Martiis anni currentis MMXVII in paranympho Universitatis studiorum Hispalensis inauguratio I Conventus Interretialis Latinitatis Vivae Hispalensis sub auspiciis Societatis Hispanicae Studiorum Classicorum, Universitatis studiorum Hispalensis et consociationis humanisticae Fluminis Litterarum, hora XI cum dimidia propalam habita est. Hic enim conventus, qui linguae Latinae vinculo communi Europaeo maximam operam dat, studia humanitatis omnibus litterarum Romanarum et Graecarum cultoribus quibusque Latinitas cordi est, gentibusque totius orbis in remotissimis terris versantibus exponere atque aliter exhibere adfectat. Speramus fore, ut inceptum plerisque arrideat et haesitantium animos confirmet alliciatque.

Salutatio aditialis Latinitatis vivae sodalibus

D.rix Hermione (Emma) Falque Rey

Cathedraria linguae Latinae Universitatis Litterariae Hispalensis, altera a praeside Societatis Hispanicae Studiorum Classicorum aliquid de conventu, ut bonis avibus progrediatur, profert.

D.rix Aemilia (Emilia) Ruiz Yamuza

Cathedraria linguae Graecae Universitatis Litterariae Hispalensis et rectricis Seminarii linguae Graecae et Latinae eiusdem universitatis de diversis novisque viis, quae hodie per rete praesto sunt, ut studia humanitatis divulgentur, perbreviter loquitur.

Iter certum ad Latinitatem recte discendamIohannes Iosephus Cienfuegos García

Audientur sollertiae et notiones didascalicae quibus necessarie magister uti debet si discipulos ad auctores aptos et hodiernis temporibus dignos accedere posse vult. Non periclitantur neque ad finem ruunt humaniores litterae, sed recentiores methodi, illae scilicet quibus loci et textus ansae sunt in verbis sententiisque excutiendis neque in auctorum medullam, mentem animumque umquam perveniunt.

In honorem Michaelis von Albrecht,magistri eruditissimi, viri humanissimi, qui tam bene de Latinitate deque studiis humanitatis meruit

Colloquium cum Michaele illo ab Albrecht

Colloquium in Universitate studiorum Murciana anno MMXVII novi libri auctoris edendi causa Hispanice institutum hic in magistri ab Albrecht honorem Latine praebetur.

Textus a Radulfo Navarro España Latine redditus est posteaque ab ipso Michaele ab Albrecht castigatus.

Quaestiones legit D.rix Anna Pérez Vega (Universitas studiorum Hispalensis).

Responsa recitat Radulfus Navarro España, doctoris dignitatem meriturus (Universitas studiorum Hispalensis).

Orationes

De Georgii Aloisii Borges scriptis utopicisMichaelis von Albrecht

Georgius Aloisius Borges scriptor Argentinensis (qui vixit ab anno 1899 usque ad annum 1986) non solum antiquorum poetarum (velut Homeri Vergilique) amator fuit, sed etiam mathematicae atque philosophiae. Cuius ex magna copia scriptorum utopicorum tria elegimus: primum "Utopiam hominis cuiusdam fatigati", deinde "Bibliothecam Babylonicam", tum eum librum qui inscribitur "Uqbar, Tlön, Orbis tertius".

Symbolam legunt Francisca illa Moya (Universitas studiorum Murciana), Vincentius Christophorus (Universitas studiorum Complutensis) et José Solís (Universitas studiorum Hispalensis).

Concordia TheodericianaMarcus Cristini

Concordia virtus maioris momenti erat Theoderico in Italia regnante. Cassiodorus et Ennodius verbo hoc crebro usi sunt, ut consensum senatorum, ecclesiae, regum imperatorumque significarent. Concordia ad viros auctoritate praeclaros spectabat et magnopere valebat ad societatem inter res publicas devinciendam.

Per aures ad astraPaulus Villaoslada

I De principiis didascalicis ad discendum

II Exemplum exercitii audiendi aptatum ad discipulorum usum

De Simia illa Heidelbergensi eaque reduce: crede, eam esse regressam narrant!Ansgarius Legionensis

Simiae illi Heidelbergensi, notissimae fama, pacem quae aliquando bonitatemque apud homines multis laborantes moralibus malis pravitatibusque restituisse -idque pro dolor! frustra- narratur, alteram cum ad nos redeundi occasionem in melius denuo res redactura arripere non liceret, ecce Aloisius ille Miraglia humanitatis velis remisque propugnator humani datur generi vel in caeno rursus iacentis sordibusque squalenti validus. Quam enim historiam si forte tibi, lector dulcissime, grata foret lectu cordique, per colloquia eademque brevissima inductam esse invenies